Acts 9

Ukuphenduka lokubhabhathizwa kukaSawuli

1Kwathi uSawuli ^a, esaphefumula insongo lokubulala emelane labafundi beNkosi ^b, waya kumpristi omkhulu ^c, 2wacela kuye incwadi zokuya eDamaseko kumasinagoge, ukuze kuthi uba ethola abanye baleyondlela, amadoda kanye labafazi, abalethe eJerusalema bebotshiwe ^d. 3Kwathi ekuhambeni ^e, kwenzeka ukuthi esesondele eDamaseko ^f; njalo kwahle kwamphazimela inhlangothi zonke ukukhanya okuvela ezulwini; 4njalo ewela emhlabathini, wezwa ilizwi lisithi kuye ^g: Sawuli, Sawuli, ungizingelelani ^h? 5Wasesithi: Ungubani, Nkosi? INkosi yasisithi: Mina nginguJesu omzingelayo ⁱ; kulukhuni kuwe ukukhahlelana lezincijo. 6Ethuthumela njalo emangala wathi: Nkosi, uthanda ukuthi ngenzeni ^j? LeNkosi yathi kuye: Sukuma ungene emzini, njalo uzatshelwa lokho omele ukwenze ^k. 7Lamadoda ayehamba laye ayemi engelakukhuluma ^l, esizwa ilizwi, kodwa engaboni muntu ^m. 8USawuli wasevuka emhlabathini; kwathi esevule amehlo akhe, kabonanga muntu ⁿ. Basebembamba ngesandla, bamusa eDamaseko. 9Wasesiba lensuku ezintathu engaboni, njalo engadli futhi enganathi ^o.

10Kwakukhona eDamaseko ^p umfundi othile ^q uAnaniya ngebizo; iNkosi yasisithi kuye ngombono ^r: Ananiya! Wasesithi: Khangela ngilapha, Nkosi. 11INkosi yasisithi kuye: Sukuma uye endleleni ethiwa iQondile, udinge endlini kaJudasi umuntu, uSawuli ngebizo, weTarsu ^s; ngoba khangela uyakhuleka, 12njalo ubonile ngombono umuntu, uAnaniya ngebizo, engena ^t ebeka isandla phezu kwakhe, ukuze abuye abone ^u. 13Kodwa uAnaniya waphendula wathi: Nkosi, ngizwile ngabanengi ngalindoda, kungakanani okubi akwenzileyo ^v kwabangcwele bakho eJerusalema ^w; 14lalapha ulamandla avela kubapristi abakhulu, okubopha bonke labo ababiza ibizo lakho ^x. 15Kodwa iNkosi yathi kuye: Hamba, ngoba lowo uyisitsha sami esikhethiweyo ^y, ukuphatha ibizo lami ^z phambi kwezizwe ^aa lamakhosi ^ab, labantwana bakoIsrayeli; 16ngoba mina ngizamtshengisa ukuthi umele ukuhlupheka kangakanani ngenxa yebizo lami ^ac. 17UAnaniya wasesuka ^ad wangena endlini ^ae, wabeka izandla zakhe phezu kwakhe esithi: Sawuli mzalwane, iNkosi ingithumile, uJesu obonakele kuwe endleleni oze ngayo ^af, ukuze ubuye ubone njalo ugcwaliswe ngoMoya oNgcwele ^ag. 18Kwahle kwawa emehlweni akhe kwangathi zinkwethu, wahle wabuye wabona, njalo esukuma wabhabhathizwa ^ah, 19njalo esedlile wathola amandla. USawuli wasehlala labafundi ababeseDamaseko insuku ezithile ^ai.

USawuli utshumayela eDamaseko leJerusalema

20Wahle-ke watshumayela uKristu emasinagogeni, ukuthi yena uyiNdodana kaNkulunkulu ^aj. 21Njalo bonke abezwayo basanganiseka bathi: Lo kayisuye yini owachitha ^ak eJerusalema labo ababiza lelibizo ^al, lalapha uzele lokho ^am ukuthi abaqhube bebotshiwe abase kubapristi abakhulu ^an? 22Kodwa uSawuli waqiniswa kakhulu, wasanganisa amaJuda akhileyo eDamaseko, eqinisa ukuthi lo unguye uKristu ^ao.

23Kwathi sezigcwalisiwe insuku ezinengi, amaJuda enza icebo ndawonye ukuthi ambulale; 24kodwa iqhinga lawo laziwa nguSawuli ^ap. Aselinda emasangweni emini lebusuku, ukuze ambulale ^aq; 25kodwa abafundi bamthatha ebusuku, bamehlisela emthangaleni ^ar bemehlisa ngesilulu ^as.

26Kwathi uSawuli esefikile eJerusalema, wazama ukuzihlanganisa labafundi; kodwa bonke bamesaba, bengakholwa ukuthi ungumfundi ^at. 27Kodwa uBarnabasi wamthatha ^au wamusa kubaphostoli ^av, wabalandisela ukuthi uyibone njani iNkosi endleleni ^aw, lokuthi ^ax ikhulumile kuye, lokuthi eDamaseko ukhulume njani ngesibindi ebizweni likaJesu. ^ay 28Wasehlala labo ^az engena ephuma eJerusalema ^ba, 29wasekhuluma ngesibindi ngebizo leNkosi uJesu ^bb, wakhuluma njalo futhi ephikisana lamaHelenisiti* ^bc; kodwa bazama ukumbulala ^bd. 30Kodwa abazalwane sebekwazi ^be bamehlisela eKesariya ^bf, bamthuma eTarsu ^bg.

31Ngakho amabandla kuyo yonke iJudiya leGalili ^bh leSamariya ^bi aba lokuthula, esakheka ^bj, ehamba ekwesabeni iNkosi langenduduzo kaMoya oNgcwele, anda ^bk.

UPetro usilisa uEneya

32Kwasekusithi uPetro edabula indawo zonke ^bl wehlela lakwabangcwele ^bm abahlala eLida ^bn. 33Wasefica khona umuntu othile uEneya ngebizo, owayeselele ecansini iminyaka eyisificaminwembili, ome umhlubulo. 34UPetro wasesithi kuye: Eneya, uJesu Kristu uyakusilisa; sukuma uzendlalele icansi. Njalo wahle wasukuma ^bo. 35Basebembona bonke abakhileyo eLida ^bp leSaroni ^bq, abaphendukela eNkosini ^br.

UPetro uvusa uTabitha kwabafileyo

36Kwakukhona eJopha umfundikazi othile, uTabitha ngebizo ^bs, okungokuchasiswa kuthiwa nguDorkasi; lo wayegcwele imisebenzi emihle lemisebenzi yomusa ayenzayo ^bt. 37Kwasekusithi kulezonsuku wagula wafa; sebemgezisile bamlalisa endlini ephezulu ^bu. 38Njalo njengoba iLida yayiseduze leJopha ^bv, abafundi sebezwile ukuthi uPetro wayekhona kuyo, bathuma amadoda amabili kuye, bemncenga ukuthi angaphuzi ukuza kubo ^bw. 39UPetro wasesukuma wahamba labo; okwathi esefikile bamthatha bamusa endlini ephezulu ^bx, labafelokazi bonke bema laye bekhala bemtshengisa izembatho lezigqoko uDorkasi ayezenzile eselabo. 40Kodwa uPetro esebakhuphele phandle bonke ^by eguqa ngamadolo wakhuleka ^bz; esetshibilikela esidunjini, wathi: Tabitha, vuka ^ca! Wasevula amehlo akhe; wabona uPetro, walulama. 41Wamelulela isandla, wamsukumisa; esebize abangcwele labafelokazi, wambeka phambi kwabo ephila ^cb. 42Kwasekusaziwa kuyo yonke iJopha ^cc, labanengi bakholwa eNkosini ^cd. 43Kwenzeka ukuthi ahlale eJopha insuku ezinengi loSimoni othile umtshuki wezikhumba ^ce.